ސަރުކާރުގެ ހަރަދު ކުޑަ ކުރުމަށް ފެނަކަ އަދި އާރްޑީސީ އިން މީހުން ކަންޑަން އަންގައިފިއެވެ. މައުލޫމާތު ލިބިފައި ވާގޮތުގައި ޖުލައި މަސް ނިމުމުގެ ކުރިން ކަނޑާނެ މީހުންގެ ލިސްޓެއް ހެދުމަށް ރަށްރަށުގެ ހިންގާ ކޮމިޓީ ތަކަށް ވަނީ އަންގާފައެވެ. ރިޔާސީ އިންތިހާބްގެ ކެމްޕެއިންގައި އޭރުގެ ސަރުކާރުން ދިން ވަޒީފާ ތަކުން މީހުން ނުކަނޑާނެ ކަމަށް ވައުދުވި ނަމަވެސް، މިސަރުކާރު އައިސް ކުޑަ ދުވަސް ކޮޅެއް ތެރޭގައިވަނީ ގިނަ އަދަދެއްގެ މުއައްޒިފުން ވަޒީފާއިން ކަނޑާލާފައެވެ. ސަރުކާރުން ހަރަދު ކުޑަކުރުމުގެ ނަމުގައި އާންމު ރައްޔިތުން ވަޒީފާއިން ކެނޑުމުގެ ބަދަލުގައި، ވިޔަފާރިވެރިން އަތުން ދައުލަތަށް ލިބެންވާ ފައިސާ ހޯދުން މާ ރަނގަޅުވާނެއެވެ.
28 ޖުލައި 2024
1
މުއިޒުއަށް ވެރިކަން ލިބުމާއެކު ގިނަ އަދަދެއްގެ ސިޔާސީ މީހުން ވަނީ އައްޔަނު ކުރައްވާފައެވެ. މީގެ ތެރޭގައި ގިނަ އަދަދެއްގެ ޑެޕިޔުޓީ މިނިސްޓަރުންނާއި، ޕޮލިޓިކަލް ޑިރެކްޓަރުން ހިމެނެއެވެ. މައިގަނޑު މަސްއޫލިއްޔަތު ސަރުކާރުން މިގޮތަށް އައްޔަނު ކުރައްވާފައިވާ މީހުންގެ މައިގަނޑު މަސްއޫލިއްޔަތަކީ ސަރުކާރު ޕްރޮމޯޓް ކުރުމެވެ. ހާއްސަކޮށް ސޯޝަލް މީޑިޔާގައި ސަރުކާރު ޕްރޮމޯޓްކޮށް އަދި ސަރުކާރު ދިފާއުކޮށް ޕޯސްޓް ޖެހުމެވެ. މިބައިމީހުނެކޭ ސަރުކާރު ޕްރޮމޯޓް ކުރުމަށް ޕްރޮގްރާމް ކޮށްފައި ތިބި ބޮޓުންނެކޭ އެއްވެސް ތަފާތެއްނެތެވެ. ސަރުކާރާ އެއްކޮޅު ޕޯސްޓެއް ސޯޝަލް މީޑިޔާއިން ފެނިއްޖެޔާ ޝެޔާ ކޮށްލަނީއެވެ. ސޯޝަލް މީޑިޔާގައި ސަރުކާރު ޕްރޮމޯޓް ކުރުމުގެ އިތުރުން، މިމީހުން ސަރުކާރުގެ މެމްބަރުން އަދި އިސް މީހުނާއެކު ރަށް ރަށަށް ވެސް ދާން ޖެހެއެވެ. މި ބޭފުޅުންގެ ފަހަތުގައި ރަށް ރަށަށް ދާންޖެހޭ އިރު ހީވަނީ މި ބޭފުޅުންގެ ޕާސަނަލް ސެކެރެޓަރީ ހެންނެވެ. ރައްޔިތުންގެ ޓެކްސް ފައިސާ އިސްރާފު ކުރުން ރައްޔިތުންގެ ޓެކްސް ފައިސާއިން ބޮޑު މުސާރައެއްދީގެން ގިނަ އަދަދެއްގެ ސިޔާސީ މީހުން ސަރުކާރުން ނަގާފައި މިވަނީ ޤައުމުގެ އިޤްތިސާދީ ހާލަތު ދަށްވެފައިވާ ދުވަސް ވަރެއްގައެވެ. ހަރަދު ކުޑަކުރުމަށް ރައްޔިތުންނަށް އަންގަމުންދާއިރު، ސަރުކާރުންދަނީ ގިނަ އަދަދެއްގެ ފައިސާ ސިޔާސީ މުއައްޒިފުންނަށް ހަރަދު ކުރަމުންނެވެ. މިގޮތަށް އައްޔަނު ކޮށްފައި ތިބި މީހުނަށް 20 ހާހަށް ވުރެ ބޮޑު މުސާރައެއް ދޭއިރު، މިއީ ރައްޔިތުންގެ ޓެކްސް ފައިސާއިން ކުރާ ބޮޑު އިސްރާފެކެވެ. އަދަބެއް އަހްލާގެއް ނެތް ސަރުކާރުން އައްޔަނު ކުރައްވާފައިވާ ގިނަ ސިޔާސީ މީހުންނަކީ ތައުލީމީ އަދި އަހުލާގީ ފެންވަރު ދަށް މީހުންނެވެ. އިންޑިއާގެ ބޮޑުވަޒީރު ނަރެންދުރަ މޯދީއަށް ސޯޝަލްމީޑިއާގައި ފުރައްސާރަކުރި މައްސަލައިގައި ތިން ޑެޕިޔުޓީ މިނިސްޓަރުން މުއްދަތެއް ނެތް ގޮތަށް ވަނީ ސަސްޕެންޑު ކޮއްފައެވެ. ސަސްޕެންޑު ކޮށްފައިވާ 3 ޑެޕިޔުޓީ މިނިސްޓަރުން | ޕޮޓޯ: އަދަދު ނޫސް ސަސްޕެންޝަނުގައި ތިބި ނަމަވެސް ޔޫތު މިނިސްޓްރީގެ ތިން ޑެޕިއުޓީ މިނިސްޓަރުން ކަމަށްވާ، މަލްޝާ ޝަރީފާއި މަރިޔަމް ޝިއުނާ އަދި މަހުޒޫމް މާޖިދު ލައްވައި ފާއިތުވި ފަސް މަސް ދުވަހު ރަސްމީ އެއްވެސް މަސައްކަތެއް ނުކުރުވައި މުސާރައިގެ ގޮތުގައި 400،000ރ. އަށްވުރެ ގިނައިން ދައުލަތުން ވަނީ ދީފައެވެ.
27 ޖުލައި 2024
0
ފައިސާ ޗާޕް ކުރުން ހުއްޓާލުމުން، ދަށަށް ދާނެކަމަށް ސަރުކާރުން ލަފާކުރި ޑޮލަރުގެ އަގު އަލުން އަނބުރާ މައްޗަށް އަރަން ފަށައިފިއެވެ. ދިވެހި ފައިސާގެ އަގު ހިފެހެއްޓި، ޑޮލަރުގެ ރޭޓް ތިރިވެ، އިގުތިސާދު ރަނގަޅުވަމުންދާ ކަމަށް މާރޗް 5 ވަނަ ދުވަހުގެ ރޭ ދ.މީދޫ ރައްޔިތުންނާ ބައްދަލު ކުރަށްވާ، ރައީސް ވިދާޅުވިއެވެ. "އިރާދަކުރެއްވިއްޔާ އޭގެ (ފައިސާ ޗާޕްކުން ހުއްޓާލުމުގެ) ރަނގަޅު ނަތީޖާ ފެންނަމުންދަނީ. އަޅުގަނޑުމެންގެ ފައިސާގެ އަގު ރުފިޔާގެ އަގު ހިފެހެއްޓި އިރާދަކުރެއްވިއްޔާ ޑޮލަރުގެ ރޭޓް ތިރިވެ އިގުތިސާދު ރަނގަޅުވަމުންދާނީ. މިހާރު އޭގެ އަސަރު ފެނޭ އެބަ" ރައީސް މުއިއްޒު ވިދާޅުވި އެވެ. ޑޮލަރުގެ ރޭޓް ދަށަށް ދާކަމަށް ރައީސް ވިދާޅުވި އިރު، ޑޮލަރުގެ ރޭޓް ކަޅު ބާޒާރުގައި ހުރީ 17.40 ރުފިޔާގައެވެ. ނަމަވެސް މިހާރު ޑޮލަރުގެ ރޭޓް ކަޅު ބާޒާރުގައި ހުރީ 18.10 ރުފިޔާގައެވެ. ވީ ކިހިނެއް؟ އާއްމު ގޮތެއްގައި، ރާއްޖޭގެ ކަޅު ބާޒާރުގައި ޑޮލަރުގެ ރޭޓް ދަށަށް ދަނީ ރިސޯޓް ތަކުގެ "ހައި" ސީސަންގައެވެ. ސަބަބަކީ އެދުވަސްވަރު ރިސޯޓް ތަކުގެ ސާވިސް ޗާޖް މަތިވުމުގެ ސަބަބުން ކަޅު ބާޒާރުގައި ފަސޭހައިން ޑޮލަރު ލިބުމެވެ. ޑޮލަރުގެ ރޭޓް ދަށަށް ދާކަމަށް ރައީސް ވިދާޅުވީ މި ދުވަސްކޮޅުއެވެ. ނަމަވެސް "ލޯ" ސީސަންގައި ކަޅު ބާޒާރުގައި ޑޮލަރު ލިބުން ދަތިވެ، އަގު އުފުލެން ފެށީއެވެ.
26 ޖުލައި 2024
0
ރައްޔިތުންގެ ޢިޤްތިޞާދީ ޙާލަތު އެކަށީގެންވާ ފެންވަރަކަށް މަތިވުމުގެ ކުރިން ބްރިޖުން ޓޯލް ނަގަން ނުފަށާނެ ކަމަށް ރައީސުލްޖުމްހޫރިއްޔާ ވިދާޅުވެއްޖެއެވެ. "މާލެފަހި" ޕްލޭންގައި ޓޯލް ނެގުމާމެދު ދިރާސާއެއްކުރުމަށް ހިމަނާފައިވަނީ ފަންނީ ލެވެލްގައި އެކަމުގެ ލަފާ އެމަނިކުފާނަށް އެރުވުމުގެ ނިޔަތުގައި ކަމަށް ސޯޝަލް މީޑިޔާގެ ޕޯސްޓެއްގައި ރައީސް ވަނީ ވިދާޅުވެފައެވެ. މީގެ އިތުރުން ބްރިޖް އިން ޓޯލް ނެގުމަކީ އެމަނުކުފާނުގެ ސިޔާސަތެއްނޫން ކަމަށް ވަނީ ވިދާޅުވެފައެވެ. "ބްރިޖް އިން ޓޯލް ނެގުމަކީ އަޅުގަނޑު ގެ ސިޔާސަތެއްނޫން. ރޭގައި އިޢުލާން ކުރެވުނު "މާލެފަހި" ޕްލޭންގައި ޓޯލް ނެގުމާމެދު ދިރާސާއެއްކުރުމަށް ހިމަނާފައިވަނީ ފަންނީ ލެވެލްގައި އެކަމުގެ ލަފާ އަޅުގަނޑަށް އެރުވުމުގެ ނިޔަތުގައި. އެގޮތުން ލިބޭ ފަންނީ ލަފާގައި ޓޯލް ނަގަން ހުށަހެޅުން އަޔަސް، މާލެ ސިޓީގެ މަގުތައް އެއްކޮށް ރަނގަޅު ފެންވަރަކަށް ހަދާ ނިމުމުގެ ކުރިން އަދި އެކަށީގެންވާ މިންވަރަކަށް ޕާކިންގ ގެ މައްސަލަ ޙައްލު ވުމުގެ ކުރިން، އަދި ޤައުމާއި ރައްޔިތުންގެ ޢިޤްތިޞާދީ ޙާލަތު އެކަށީގެންވާ ފެންވަރަކަށް މަތިވުމުގެ ކުރިން ޓޯލް ނަގަން ނުފަށާނެ ކަމުގެ ޔަޤީންކަން އަރުވަން." ބްރިޖުން ޓޯލް ނެގުމާމެދު ގިނަ ބަޔަކު ދަނީ ސޯޝަލް މީޑިޔާގައި ހިޔާލު ފާޅު ކުރަމުންނެވެ. އެއްބަޔަކު ޤަބޫލު ކުރާ ގޮތުގައި ޓޯލް ނެގުމަކީ ކުރަން ލަސްވެފައިވާ ކަމަކެވެ. ނަމަވެސް ޓޯލް ނެގުމާ ދެކޮޅަށްވެސް ގިނަ ބަޔަކު ދަނީ ހިޔާލު ފާޅު ކުރަމުންނެވެ.
25 ޖުލައި 2024
0
ފަހުގެ ލިޔުންތައް
29 ޖުލައި 2024
0
28 ޖުލައި 2024
1
27 ޖުލައި 2024
0
26 ޖުލައި 2024
0
25 ޖުލައި 2024
0
ބިމުގެ ގޮތުން ރާއްޖޭގައި 10 ވަނައަށް އެންމެ ބޮޑު ރަށަކީ ނ.ކެނދިކުޅުދޫއެވެ. މި ރަށުގެ އުތުރާއި ދެކުނުގައި ބަދަހި ގުޅުމެއް އޮތް ދެ އަވަށެއް އޮވެއެވެ. އަވަށު ވާދަވެރިކަން މިހާރު ފެންނަން އޮތްލެއް ކުޑަ ނަމަވެސް ތާރީހުގައި އެކި ފަހަރުމަތިން ދެ އަވަށުގެ ވާހަކަ އައިސްފައި ހުރީ ތަފާތު ގޮތަކަށެވެ.
29 ޖުލައި 2024
0
ބިމުގެ ގޮތުން ރާއްޖޭގައި 10 ވަނައަށް އެންމެ ބޮޑު ރަށަކީ ނ.ކެނދިކުޅުދޫއެވެ. މި ރަށުގެ އުތުރާއި ދެކުނުގައި ބަދަހި ގުޅުމެއް އޮތް ދެ އަވަށެއް އޮވެއެވެ. އަވަށު ވާދަވެރިކަން މިހާރު ފެންނަން އޮތްލެއް ކުޑަ ނަމަވެސް ތާރީހުގައި އެކި ފަހަރުމަތިން ދެ އަވަށުގެ ވާހަކަ އައިސްފައި ހުރީ ތަފާތު ގޮތަކަށެވެ.
28 ޖުލައި 2024
1
ބިމުގެ ގޮތުން ރާއްޖޭގައި 10 ވަނައަށް އެންމެ ބޮޑު ރަށަކީ ނ.ކެނދިކުޅުދޫއެވެ. މި ރަށުގެ އުތުރާއި ދެކުނުގައި ބަދަހި ގުޅުމެއް އޮތް ދެ އަވަށެއް އޮވެއެވެ. އަވަށު ވާދަވެރިކަން މިހާރު ފެންނަން އޮތްލެއް ކުޑަ ނަމަވެސް ތާރީހުގައި އެކި ފަހަރުމަތިން ދެ އަވަށުގެ ވާހަކަ އައިސްފައި ހުރީ ތަފާތު ގޮތަކަށެވެ.
26 ޖުލައި 2024
0
