ފައިސާ ނެގުމަށްފަހު ސައިކަލް ނުދޭކަމުގެ ޝަކުވާ

ކިންގްސްޓަން ޝޯރޫމް އިން ފައިސާ ނެގުމަށްފަހު ސައިކަލް ނުދޭކަމުގެ ޝަކުވާ ގިނަ ބަޔަކު ސޯޝަލް މީޑިޔާގައި ކުރަން ފަށައިފިއެވެ.

ކިންގްސްޓަންގެ ފޭސްބުކް ޕޭޖްގެ ޕޯސްޓް ތަކަށް ކޮށްފައިވާ ރިއެކްޓް ތަކަށް ބަލާއިރު ގިނައީ އެންގްރީ ރިއެކްޓް އެވެ. އަދި "މަގޭ ސައިކަލް ކޮބާހޭ" ކިޔާފައި ކޮށްފައިހުރި ކޮމެންޓްތައްވެސް ދަނީ ފެންނަމުންނެވެ. ނަމަވެސް މިގޮތަށް ކުރާ ކޮމެންޓްތައް އެ ޕޭޖުން އަންނަނީ ޑިލިޓް ކުރަމުންނެވެ.

ފައިސާ ނެގުމަށްފަހު ސައިކަލް ނުދޭތާ 6 މަހަށް ވުރެން ގިނަ ދުވަސް ވެއްޖެ ކަމަށް މީހަކު ވަނީ ފޭސްބުކްގައި ލިޔެފައެވެ. މީގެ އިތުރުންވެސް ސައިކަލް ނުލިބިގެން އެހެން ކަސްޓަމަރުންވެސް އަންނަނީ ފޭސްބުކްގައި ޕޯސްޓް ލިޔަމުންނެވެ.

ފައިސާ ނެގުމަށްފަހު ސައިކަލް ނުދޭތީ ގިނަ ބަޔަކު ދަނީ ކިންގްސްޓަން ޝޯރޫމް ބޮއިކަޓް ކުރަމުންނެވެ. ގިނަ ބަޔަކު އަތުން ފައިސާ ނަގާފައި ސައިކަލް ނުދޭ މައްސަލަ ބަލާ ކިންގްސްޓަން ޝޯރޫމް ހިންގާ ފަރާތަށް ފިޔަވަޅު އަޅަންޖެހެއެވެ.